Skip to content

Korpúlfar samtök eldri borgara í Grafarvogi

Lifum lífinu lifandi

Search for:

Leit á vef Korpúlfa

Félagaskrá Korpúlfa.
Stjórn og nefndir
- Stjórn og nefndir Korpúlfa 2020-2021
Borgir upplýsingar
Ferðalög
Eldri viðburðir
Samþykktir og fundargerðir Korpúlfa
Styrktaraðilar

Korpúlfar samtök eldri borgara í Grafarvogi

Samstarfssamningur Korpúlfa og Reykjavíkurborgar

Samstarfssamningur Korpúlfa og Reykjavíkurborgar.

Dagskráin í dag og framundan

Starf KORPÚLFA í Borgum og KORPÚLFSSTÖÐUM fellur niður um óákveðinn tíma, v/COVID-19 veirunnar

Föstudagur 6 mars, 2020 - Mánudagur 4 maí, 2020

Skoða alla Viðburðir

Facebook

Facebook færslur

12 hours ago

Góðan dag kæru Korpúlfar. Vona að ég hitti vel á ykkur. Veður undanfarinna daga hefur ekki verið upp á það bezta þó við hér á höfuðborgarsvæðinu höfum sloppið þolanlega. Enn verðum við að halda kyrru fyrir að boði okkar vísu lækna og vísindamanna. Það gerum við í ljósi þess að það ver okkur fyrir mögulegu smiti af veiru þeirri sem nú herjar. Við erum án nokkurs vafa í misjöfnum aðstæðum í því verkefni. Aðstandendur eru vonandi duglegir að líta til með okkur og rétta hjálparhönd. Fjölmiðlar eru að gera margt til að létta okkur stundina. Mér sýnist að það verði góð dagskrá næstu daga og vikur. Svo eru það blessaðar bækurnar, sögur og ljóð og það sem við kjósum að lesa.

Þau eru mörg ljóðin sem skáldin hafa sett saman um þann tíma sem senn fer í hönd. Sumarið. Guðmundur Guðmundsson, skólaskáld er eitt þeirra skálda. Mig langar að skrifa hér eitt ljóða hans, ljóðið Sumarósk, sem er þannig:

Gleðilegt sumar og sólskin í bæinn!
samúð og góðvild í hjarta hvers manns!
Dafni og vaxi að frjósemi fræin
fegurstu‘ og beztu í skauti vors lands.

Verði þeim öllum, sem veturinn hrelldi,
vermandi ljósgjafi sumarið nýtt,
klakanum eyði með kærleikans eldi,
kaldasta mannshjartað geri það hlýtt!

Þökk fyrir veturinn, vondjörfu, ungu
vinir og samherjar, árljómans sveit! –
Verndið þið lýðfrelsið, land vort og tungu,
laufgið þið fjöllin og blómgið hvern reit!

Með Korpúlfakveðju
Sveinbjörn Bjarnason ... Sjá meiraSee Less

View on Facebook

Share on Facebook Share on Twitter Share on Linked In Share by Email

6 days ago

Góðan dag kæru Korpúlfar - Í dag blæs svolítið en lítið við því að gera. Mig langar að minnast á bóklestur. Í bókinni, nánast sama hver hún er, er að finna mikinn og góðan fróðleik. Ævisögur, skáldsögur, frásagnir atburða, bækur um þjóðlegan fróðleik, mannlífssögur, ljóðabækur og svo mætti áfram telja. Í ljóði er verið að segja sögu. Sagan getur verið hverskonar. Raunasaga, gleðisaga, saga um fögnuð, saga um ástir. Nú um stundir trúi ég að margir hafi snúið sér að bóklestri, e.t.v. umfram það sem viðkomandi var vanur að gera. Það er vel. Hér fyrr á tímum var sá leikur oft stundaður á bæjum að fólk fór að kveðast á. Allir voru þá í sama rými og kváðu vísu og sá næsti hóf sína vísu á síðasta staf úr vísu þess sem á undan kvað.

Getum við hér á síðunni brugðið á þennan leik? Oftar en ekki var byrjað á þessari vísu:

Komdu nú að kveðast á
karl minn ef þú getur
láttu ganga ljóðaskrá
ljóst í allan vetur.

Hlakka til að sjá þá næstu.

Að lokum í dag með orðum frú Jóhönnu G Erlingsson:
"Megi dagur hver fegurð þér færa / megi forsjónin vaka yfir þér".

Eigið öll góðan dag. ... Sjá meiraSee Less

View on Facebook

Share on Facebook Share on Twitter Share on Linked In Share by Email

7 days ago

Góðan dag kæru vinir. Þó úti sé dimmt yfir og væta þá vitum við að vorið er í nánd. Sól er farin að hækka á lofti og vonandi getum við öll tekið undir þegar sagt var: "Með sól í hjarta og sól í sinni" þá verður gangan léttari. Þau eru mörg kvæðin og söngtextarnir sem létt geta stund. Við höfum, því miður, ekki getað notið söngs Korpusystkina um stund en við munum léttan söng þeirra og túlkun margra góðra ljóða. Einn texta langar mig að setja hér inn og um leið og við lesum hann yfir þá skulum hlusta á orðin og lagið og gera það að okkar fyrir daginn í dag og áframhaldandi. Kveðja Sveinbjörn

Bjartar vonir vakna
í vorsins ljúfa blæ.
Bjarmar fyrir björgum,
við bláan sæ.
Fagur fuglasöngur
nú fyllir loftin blá,
brjóstin ungu bifast
af blíðri þrá.

Í æðum ólgar blóð
í aftansólarglóð,
ég heyri mildan hörpuslátt.
Ég heyri huldumál,
er heillar mína sál,
við hafið svalt og safírblátt.

Komdu vina kæra,
ó, komdu út með sjó.
Bylgjur klettinn kyssa,
í kvöldsins ró.
Viltu með mér vaka,
þú veist ég elska þig.
Komdu vina kæra
og kysstu mig.

Oddgeir Kristjánsson / Árni úr Eyjum

Megum við öll eiga góðan dag. ... Sjá meiraSee Less

View on Facebook

Share on Facebook Share on Twitter Share on Linked In Share by Email

1 week ago

Kæru vinir! Á tímum eins og þeim sem við lifum þessar vikurnar skiptir samfélag miklu máli - trúlega enn meira máli en alla jafna. Það er ákaflega gott að finna að maður er ekki einn á báti í þeirri ókyrrð sem er í samfélaginu nú um stundir. Öll vitum við af einhverjum sem þætti gott að fá símtal. Notum símann. Slíkt símtal getur skipt sköpum fyrir þann sem hringt er í. Vonandi styttist í að við getum hitzt í Borgum í spjalli yfir kaffibolla eða sem þátttakendur í einhverjum viðburði. Þangað til getum við lítið gert annað en hlú hvert að öðru með samskiptum á því formi sem okkur er mögulegt. Vona að þið hafi það öll sem bezt. Kveðja Sveinbjörn Bjarnason ... Sjá meiraSee Less

View on Facebook

Share on Facebook Share on Twitter Share on Linked In Share by Email

1 week ago

View on Facebook

Share on Facebook Share on Twitter Share on Linked In Share by Email

Bloggið, fróðleikur og skemmtiefni

janúar 2018 (1)
september 2017 (1)
mars 2017 (3)
janúar 2017 (2)
nóvember 2016 (1)
september 2016 (1)
ágúst 2016 (3)
júlí 2016 (3)
júní 2016 (1)
maí 2016 (1)
apríl 2016 (2)
mars 2016 (7)
febrúar 2016 (6)
janúar 2016 (7)
desember 2015 (4)
nóvember 2015 (1)
október 2015 (13)
september 2015 (7)
ágúst 2015 (9)

Korpúlfar samtök eldri borgara í Grafarvogi Powered by WordPress and Dynamic News.

WP2Social Auto Publish Powered By : XYZScripts.com